Question 1

Cén fáth nach féidir liom mo chuid teachtaireachtaí go léir ón Rialtas a fháil sa Bhosca Poist Dhigiteach?

Eimear McDonnell · Accepted Answer

Táimid ag obair faoi láthair le soláthróirí seirbhíse an Rialtais chun seirbhísí spreagúla nua a chur ar fáil duit, b’fhéidir go nglacfaidh sé seo tamaillín, mar sin iarraimid ort a bheith foighneach agus muid ag forbairt agus ag fás linn. Coinnigh súil ar an suíomh gréasáin le haghaidh fógraí seirbhíse nua.

Question 2

Mura bhfuil Cárta Seirbhíse Poiblí (PSC) agam, an féidir liom Bosca Poist Digiteach a fháil?

Eimear McDonnell · Accepted Answer

Ar an drochuair ní féidir cuntas Bosca Poist Digiteach a chruthú gan PSC. Cuidíonn an PSC leat teacht gan stró ar raon seirbhísí poiblí. Mura bhfuil PSC agat is féidir leat coinne a dhéanamh chun ceann a fháil. Chun coinne a dhéanamh déan teagmháil le d’Ionad Clárúcháin PSC áitiúil agus cuirfidh siad in iúl duit na doiciméid a bheidh ag teastáil uait a thabhairt leat. Tabhair cuairt ar www.psc.gov.ie chun tuilleadh eolais a fháil.

Question 3

Cad é a tharlóidh má scriosaim teachtaireacht?

Eimear McDonnell · Accepted Answer

Aistreofar an teachtaireacht scriosta go dtí fillteán ríomhphoist scriosta ar do chuntas agus scriosfar go buan í i ndiaidh 30 lá. Is féidir leat é a scriosadh as an bhfillteán scriosta roimhe seo más mian leat. Nuair a scriostar teachtaireacht go buan ní bheidh teacht uirthi a thuilleadh - tá sé díreach cosúil le do litir fhisiciúil a chaitheamh sa bhosca bruscair.

Question 4

Cá fhad a choimeádtar mo theachtaireachtaí?

Eimear McDonnell · Accepted Answer

Stóráiltear teachtaireachtaí chomh fada agus is mian leat agus beidh tú in ann iad a eagrú agus a scriosadh de réir mar is mian leat.

Question 5

Níl cuntas Bosca Poist Digiteach agam an féidir le Comhlacht Poiblí teachtaireacht dhigiteach a sheoladh chugam ar aon nós?

Eimear McDonnell · Accepted Answer

Ó am go chéile, is féidir comhlachtaí poiblí do thoiliú a iarraidh chun teachtaireacht a sheoladh chuig do Bhosca Poist Digiteach (is cuma cé acu atá do chuntas socraithe agat nó nach bhfuil). Má thugann tú cead dóibh é sin a dhéanamh – is féidir leis an gcomhlacht poiblí teachtaireacht a sheoladh chuig an mBosca Poist Dhigiteach chugat, agus coinneofar i gcuntas sealadach í ar feadh 30 lá nó go dtí go gcláróidh tú do chuntas Bosca Poist Digiteach. Beidh an comhlacht poiblí ar lorg do thoilithe chun an teachtaireacht a sheoladh chugat ar an dóigh seo agus beidh do PPSN, seoladh ríomhphoist agus dáta breithe curtha ar fáil agat dóibh. A luaithe agus a bhíonn an teachtaireacht seolta gheobhaidh tú foláireamh ríomhphoist chun do chuntas Bosca Poist Digiteach a chlárú.

Question 6

Tá cuid de na sonraí i mo theachtaireacht mícheart - cad a dhéanfaidh mé?

Eimear McDonnell · Accepted Answer

Má fuair tú teachtaireacht mhícheart, nó má tá cuid de na sonraí atá sa teachtaireacht mícheart, déan teagmháil go díreach leis an té a sheol an teachtaireacht sin chun iad a chur ar an eolas.

Question 7

Ní domsa a bhí an teachtaireacht a fuair mé - cad a dhéanfaidh mé?

Eimear McDonnell · Accepted Answer

Má fhaigheann tú teachtaireacht ar léir nach duitse atá sé - ná hoscail an teachtaireacht. Déan teagmháil leis an bhfoireann Bosca Poist Dhigiteach trí úsáid a bhaint as an gcnaipe Cabhrach thíos. Cuir tú féin in iúl dúinn, cé a sheol an teachtaireacht chugat, an uair a seoladh é agus an teideal a bhí air.

Question 8

Ní bhfuair mé teachtaireacht riamh?

Eimear McDonnell · Accepted Answer

Má bhí tú ag súil le teachtaireacht agus nach bhfuair tú é riamh - seiceáil an méid seo a leanas le do thoil:

Ar an gcéad dul síos, an bhfuil cuntas Bosca Poist Digiteach agat? Caithfidh tú clárú leis an mBosca Poist Dhigiteach chun teachtaireachtaí a fháil.

Seiceáil do leathanach “Mo Sheoltóirí”. Ligeann an leathanach seo duit na comhlachtaí poiblí is féidir nó nach féidir teachtaireachtaí a sheoladh chugat a chumrú.

Ar deireadh, déan teagmháil dhíreach leis an seoltóir chun iarraidh orthu a dheimhniú gur sheol siad an teachtaireacht chugat i ndáiríre agus chun a chinntiú go bhfuil do PPSN ceart, seoladh ríomhphoist agus dáta breithe ceart aige. Úsáidtear an fhaisnéis seo chun an teachtaireacht a sheoladh chugat.

Question 9

An féidir liom logáil isteach sa Bhosca Poist Dhigiteach le fíordheimhniú logála isteach eile?

Eimear McDonnell · Accepted Answer

Níl, ar chúiseanna slándála, is é MyGovID an t-aon fhíordheimhniú ceadaithe don Bhosca Poist Dhigiteach.

Question 10

Cad is MyGovID ann agus conas is féidir liom ceann a fháil?

Eimear McDonnell · Accepted Answer

Cuntas sábháilte ar líne is ea MyGovID chun rochtain a fháil ar do sheirbhísí poiblí ar líne. Chun an tseirbhís seo a úsáid, caithfidh tú clárú le MyGovID ar dtús. Tá MyGovID bunaithe ar an gCárta Seirbhíse Poiblí, a nascann féiniúlacht ‘dáiríre’ le haitheantas ar líne. Ionas go gcinnteoidh Comhlachtaí Seirbhíse Poiblí go bhfuil an próiseas fíordheimhnithe MyGovID sábháilte ar dtús téann tú trí chlárú SAFE agus faigheann tú Clár Seirbhísí Poiblí. Tasc aonuaire é seo trínar féidir leis an saoránach rochtain a fháil ar a gcuid seirbhísí Rialtais go léir ar líne.

Question 11

An mbeidh mé in ann mo chuntas a scriosadh agus filleadh ar phost páipéir traidisiúnta a fháil?

ogcio-admin-digipost · Accepted Answer

Is féidir, má chinneann tú ag am ar bith nach mian leat post a fháil ó Chomhlacht Poiblí ar leith a thuilleadh, is féidir leat díchlárú ó Chomhlacht Poiblí amháin nó ó gach Comhlacht trí do leathanach “Mo Sheoltóirí”. Ina theannta sin, mura bhfuil tú ag iarraidh leas a bhaint as an mBosca Poist Dhigiteach a thuilleadh, is féidir leat do chuntas a scriosadh agus do thoiliú a tharraingt siar am ar bith, chun tuilleadh eolais a fháil faoi do chuntas a scriosadh cliceáil anseo.

Question 12

An mbeidh mé in ann mo chuid teachtaireachtaí a chuardach, a shórtáil agus a scagadh?

ogcio-admin-digipost · Accepted Answer

Beidh, beidh tú in ann fillteáin a chruthú, a ainmniú agus a scriosadh i do Bhosca Poist Digiteach. Tacaímid le do chuid teachtaireachtaí a tharraingt agus a scaoileadh idir fillteáin agus is féidir freisin teachtaireacht amháin nó níos mó a aistriú go fillteán ag aon am amháin.

Question 13

An féidir liom cinneadh a dhéanamh faoin dóigh a gcuirtear eolas in iúl dom?

ogcio-admin-digipost · Accepted Answer

Is féidir. Le do shocruithe próifíle beidh tú in ann fógra a roghnú trí ríomhphost agus/nó trí SMS chuig d’uimhir theileafóin tiomnaithe agus do sheoladh ríomhphoist. Ní mór modh fógra amháin ar a laghad a roghnú.

Question 14

An féidir liom an uimhir ghutháin a ghabhann le mo chuntas a athrú?

ogcio-admin-digipost · Accepted Answer

Is féidir, is féidir leat d’uimhir theileafóin a nuashonrú freisin faoi do shocruithe próifíle agus iarraimid ort é seo a nuashonrú go háirithe má roghnaíonn tú fógraí SMS. Cuimhnigh le do thoil sonraí maidir le logáil isteach, an uimhir theileafóin a tugadh nuair a chruthaigh tú do chuntas MyGovID.

Question 15

An féidir liom seoladh ríomhphoist mo chuntais a athrú?

ogcio-admin-digipost · Accepted Answer

Is féidir, faoi do shocruithe próifíle, beidh tú in ann do sheoladh ríomhphoist a nuashonrú agus iarraimid mar sin ort do sheoladh ríomhphoist a choinneáil nuashonraithe ionas gur féidir linn do ríomhphost rialtais a sheoladh chugat.

Question 16

An féidir liom logáil isteach sa Bhosca Poist Dhigiteach le sonraí logáil isteach eile?

ogcio-admin-digipost · Accepted Answer

Ar chúiseanna slándála, is é MyGovID an t-aon fhíordheimhniú ceadaithe don Bhosca Poist Dhigiteach.

Question 17

Cad é MyGovID agus cad é mar is féidir liom ceann a fháil?

ogcio-admin-digipost · Accepted Answer

Is cuntas sábháilte ar líne é MyGovID chun rochtain a fháil ar do sheirbhísí poiblí ar líne. Chun an tseirbhís seo a úsáid, ní mór duit clárú le MyGovID ar dtús. Tá MyGovID bunaithe ar an gCárta Seirbhíse Poiblí, a nascann aitheantas ceart fíor le haitheantas ar líne. Ionas go gcinnteoidh Comhlachtaí Seirbhíse Poiblí go bhfuil an próiseas fíordheimhnithe MyGovID slán ar dtús téann tú trí chlárú SAFE agus gheobhaidh tú Cárta Seirbhísí Poiblí. Tasc aonuaire é seo trínar féidir le saoránach rochtain a fháil ar a gcuid Seirbhísí Rialtais go léir ar líne.

Question 18

An féidir liom céad ainm agus sloinne mo chuntais MyGovID a nuashonrú?

ogcio-admin-digipost · Accepted Answer

Ar an drochuair ní féidir leat an chéad ainm agus an sloinne lenar chláraigh tú do chuntas MyGovID a athrú. Beidh ort cuntas MyGovID nua a chlárú le seoladh ríomhphoist eile más mian leat ainm eile a úsáid. Ní bheidh tionchar ag an gcéad ainm agus sloinne a thug tú ar chlárú ar an ainm a bheidh le feiceáil ar do chárta seirbhísí poiblí nó ar fhíorú do chuntais MyGovID.

Cabhair agus Tacaíocht

Ceistenna Coitianta